Almatyda qylmys jıi bolatyn túngi klýbtardyń tizimi jarııalandy
ALMATY. QazAqparat - Almaty polıtsııasy qylmys kóp bolatyn túngi demalys oryndaryn atady. Polıtsııa qara tizimde turǵan 22 nysandy qatań baqylaýdy kúsheıtpek, dep habarlaıdy QazAqparat tilshisi.
Kóńil kóteretin oryndardaǵy adamdardyń qaýipsizdigi Almaty ákimdigi janyndaǵy quqyqbuzýshylyqtyń aldyn alý boıynsha vedomstvoaralyq komıssııa otyrysynda talqylandy.
Jergilikti polıtsııa qyzmetiniń málimetinshe, qalada 400-ge jýyq oryn bar. Onyń 38-i - túngi klýb, 45-i - kafe-bar, restorandar eken.
«Bul dámhanalardyń jumysyna zań boıynsha ýaqytsha shekteý joq. Sondyqtan, olardyń jumysy kafeniń ishindegi jáne soǵan jaqyn aýmaqtaǵy quqyqtyq tártiptiń buzylýyna qatty yqpal etedi. Bul dámhana ıeleriniń kópshiligi mamandandyrylǵan kúzet jaldamaıdy. 2018 jylǵy monıtorıng kórsetkendeı, qalada qylmystyń kópshiligi 22 nysanda tirkelgen. Máselen, «Pıonerskaıa pravda» túngi klýbynda ótken jyly 12 tóbeles bolsa, 16 qylmys oryn alǵan. Onyń ishinde 2 adam ólip, 2 adam aýyr jaraqat alǵan. Kóp jaǵdaıda biliktiligi tómen kúzetshiler tóbelestiń aldyn alýǵa tyryspaıdy. Syrtqa shyǵaryp jiberýmen ǵana tyıylady. Sonyń kesirinen janjal oshaǵy syrttaǵylarǵa da qaýip tóndiredi. Máselen Chýkotka baryndaǵy tóbeles soǵan dálel bola alady», - dedi qalalyq PD Jergilikti polıtsııa qyzmeti basqarma basshysynyń mindetin atqarýshy Tórehan Isın.
Komıssııa alqasy dámhana men bar ıelerine mindetti túrde mamandandyrylǵan, lıtsenzııasy bar kúzet jaldaýǵa, mańaıdaǵy vıdeo kamrealardy kóbeıtýge mindettedi.
Olarǵa osy talapty oryndaýǵa 1 aı ýaqyt berildi.
Polıtsııanyń habarlaýynsha, eń qaýipti oryndar mynalar:
Alataý aýdany boıynsha - 3:
- «Shańyraq 2» shaǵynaýdany, Janqoja batyr, 35 mekenjaıyndaǵy «Baqytjan» dámhanasyna ótken jyly 44 ret polıtsııa shaqyrtylǵan. 12 qylmys bolǵan.
- Raıymbek, 355 mekenjaıyndaǵy «Everııa» dámhanasyna ótken jyly 31 ret polıtsııa shaqyrtylǵan. 6 qylmys tirkelgen, 1 adam ólgen.
- N.Danchenko, 1 A mekenjaıyndaǵy «Emıl» dámhanasyna ótken jyly 24 ret polıtsııa shaqyrtylǵan. 5 qylmys tirkelgen.
Almaly aýdany boıynsha - 5 oryn:
- Seıfýllın, 481 mekenjaıyndaǵy «Esperanza» túngi klýbyna ótken jyly 302 ret polıtsııa shaqyrtylǵan. 89 qylmys tirkelgen.
- Seıfýllın, 404 mekenjaıyndaǵy «Shıfo» dámhanasyna ótken jyly 60 ret polıtsııa shaqyrtylǵan. 15 qylmys tirkelgen.
- Seıfýllın, 404 mekenjaıyndaǵy «Aragosta» dámhanasyna ótken jyly 52 ret polıtsııa shaqyrtylǵan. 14 qylmys tirkelgen.
- Jeltoqsan, 148 mekenjaıyndaǵy «Almaly» keshenine ótken jyly 107 ret polıtsııa shaqyrtylǵan. 25 qylmys tirkelgen.
- Qabanbaı batyr, 132 mekenjaıyndaǵy «Grand Opera» klýbyna ótken jyly 63 ret polıtsııa shaqyrtylǵan. 25 qylmys tirkelgen.
Áýezov aýdany boıynsha - 3:
- Tóle bı, 279/1 mekenjaıyndaǵy «New Angar» dámhanasyna ótken jyly 136 ret polıtsııa shaqyrtylǵan. 66 qylmys tirkelgen, 4 adam aýyr jaraqat alǵan.
- Shkolnyı, 2/5 shaǵyn aýdanyndaǵy «Lýna» dámhanasyna ótken jyly 86 ret polıtsııa shaqyrtylǵan. 15 qylmys tirkelgen, 2 adam aýyr jaraqat alǵan.
- «Aqsaı 1A» shaǵynaýdanyndaǵy «Almaly» meıramhanasyna ótken jyly 67 ret polıtsııa shaqyrtylǵan. 18 qylmys tirkelgen, 2 adam aýyr jaraqat alǵan.
Bostandyq aýdany boıynsha - 4:
- Gagarın, 111A mekenjaıyndaǵy «Pıonerskaıa pravda» túngi klýbyna ótken jyly 24 ret polıtsııa shaqyrtylǵan. 16 qylmys tirkelgen, 2 adam ólip, 2 adam aýyr jaraqat alǵan.
- Jeltoqsan, 171 A mekenjaıyndaǵy «Nakatıka» túngi klýbyna ótken jyly 23 ret polıtsııa shaqyrtylǵan. 18 qylmys tirkelgen.
- Jandosov, 2B mekenjaıyndaǵy «Underground» túngi klýbyna ótken jyly 18 ret polıtsııa shaqyrtylǵan. 9 qylmys tirkelgen. Onyń ishinde zańsyz esirtki aınalymy boıynsha 1 qylmys tirkeldi.
- Rozybakıev, 234 mekenjaıyndaǵy «Jest» túngi klýbyna ótken jyly 16 ret polıtsııa shaqyrtylǵan. 3 qylmys tirkelgen.
Medeý aýdany boıynsha - 4:
- Zenkov, 13 mekenjaıyndaǵy «Sınıı Fantomas» túngi klýbyna ótken jyly 24 ret polıtsııa shaqyrtylǵan. 4 qylmys tirkelgen.
- Qurmanǵazy, 25 mekenjaıyndaǵy «VNV» túngi klýbyna ótken jyly 32 ret polıtsııa shaqyrtylǵan. 5 qylmys tirkelgen.
- Dostyq, 535 mekenjaıyndaǵy «Manana» karaoke baryna ótken jyly 28 ret polıtsııa shaqyrtylǵan. 3 qylmys tirkelgen.
- Zenkov, 24 mekenjaıyndaǵy «Terrıtorııa soedınennyh Barov» túngi klýbyna ótken jyly 31 ret polıtsııa shaqyrtylǵan. 8 qylmys tirkelgen.
Túrksib aýdany boıynsha - 3:
- Aqan seri, 63 mekenjaıyndaǵy «Gabalı» dámhanasyna ótken jyly 27 ret polıtsııa shaqyrtylǵan. 4 qylmys tirkelgen.
- Aqan seri, 65 mekenjaıyndaǵy «Shalaho» dámhanasyna ótken jyly 31 ret polıtsııa shaqyrtylǵan. 5 qylmys tirkelgen.
- Osıpenko, 5 mekenjaıyndaǵy «7 jol» dámhanasyna ótken jyly 25 ret polıtsııa shaqyrtylǵan. 17 qylmys tirkelgen.
