Almatyda qylmys sany ósti - Bas prokýratýra
Bas prokýrordyń orynbasary Marat Axmetjanovtyń aıtýynsha, elimizdiń úsh iri megapolısinde qylmystyń deńgeıi ortasha kórsetkishten joǵary. Sebebi ol qalalarda xalyq kóp. "Degenmen, elordamyz Nur-Sultan qalasynda qylmystyń deńgeıi 15 protsentke azaıdy. Al Almaty sııaqty megapolıste qylmystyń sany ósip otyr", - dedi M.Axmetjanov elordada ótken baspasóz máslıxatynda.
Onyń sózine qaraǵanda, Túrkistan, Mańǵystaý men Jambyl oblystarynda qylmystyń deńgeıi tómen deńgeıde. "Jalpy, aǵymdaǵy jyldyń alǵashqy toqsanynda 6330 adam sottaldy. Olardyń ishinde adam óltirgen 167 qylmysker, adam densaýlyǵyna qatty zalal keltirgen 546 qylmysker, adam zorlaǵan 45 qylmysker, 120 esirtki satýshy, 365 alaıaq, 600 qaraqshy, 977 ury men urlanǵan zattardy satyp alýmen aınalysqan 15 adam bar", - dep atap kórsetti M.Axmetjanov.
Aıta keteıik, búgingi brıfıngte Bas prokýrordyń orynbasary áleýmettik jelide taraǵan vıdeoǵa qatysty pikir bildirdi. Belgisiz bireý iri kólemde aqsha jymqyrǵan Bergeı Rysqalıev Ulybrıtanııada júrgenin túsirip alypty.
Budan bólek, M.Axmetjanov maldy 20 ret urlaǵan barymtashylardyń ustalǵanyn málimdedi.
