Almatyda qylmys deńgeıi eki esege azaıdy
ALMATY. QazAqparat - Almaty qalasynyń bas polıtseıi shahardaǵy qylmystar sanynyń azaıý sebepteri týraly aıtyp berdi,dep habarlaıdy QazAqparat tilshisi.
Byltyr shahardaǵy qylmys deńgeıi eki esege azaıdy. Atap aıtqanda, qoǵamdyq oryndarda quqyq buzýshylyqtardyń sany tómendedi, kóshedegi qylmystar da azaıdy. Sonymen qatar, qylmystyń «izin sýytpaı» ashý 12,3%-ǵa jaqsardy.
«Qalada qylmystyń azaıýyna úsh sebep áser etti, olar – karantındik sharalardy kúsheıtý, polıtsııanyń modýldik beketterin qurý jáne jaıaý narıadtardy kóbeıtý. Almaty qalasynda qoǵamdyq tártipti qorǵaýdy polıtsııanyń keshendi kúshteri aýlalar men kóshelerdi patrýldeý arqyly júzege asyrady. Búginde orta eseppen kúnine kóshede 1650 polıtsııa qyzmetkeri men Ulttyq ulannyń 660 áskerı qyzmetshisi eki aýysymda, 550 krımınogendi baǵyttaǵy aýlalardyń aýmaqtaryn barynsha qamtyp, qoǵamdyq tártipti qorǵaý úshin jumyldyrylǵan. Sonymen qatar, 37 eń krımınogendik aımaq anyqtaldy, ár aýdanda 4-5 aımaq, onda modýldik polıtsııa beketteri ornatylyp, jaıaý jasaqtardyń sany kóbeıtildi. Jaıaý jasaqtardyń sany 100 patrýlge kóbeıdi. Eger 2019 jyly 250 jaıaý patrýl bolsa, 2020 jyly olardyń sany 350 boldy,- dedi Almaty qalalyq Polıtsııa departamentiniń bastyǵy Qanat Taımerdenov.
Modýldik post patrýldik beketterdiń ortalyǵy. Patrýldik marshrýttar posttardan birdeı qashyqtyqta bolatyndaı etip qurylǵan, sol arqyly quqyq buzýshylyqtar týraly habarlamalarǵa jedel den qoıý, jaıaý júrginshiler men patrýldeýshi kólik quraldarymen radıobaılanys arqyly júzege asyrylatyn aqparattarmen almasý jáne óńdeý múmkindigi beriledi.
Jedel den qoıý qylmyskerlerdi tez ustaýǵa jáne jetkizýge yqpal etedi jáne qyzmetkerlerdiń ózara almasýyn qamtamasyz etedi.
«Máselen, Alataý aýdanyndaǵy «Nurkent» shaǵyn aýdanynda 2020 jyldyń qyrkúıek-qazan aılarynda 17 qylmys tirkeldi. Sol jyldyń qarasha aıynda modýldik post ornatylǵannan keıin qylmystardy tirkeý kórsetkishi eki aıda toǵyz ǵana qylmysty qurady. Onyń ishinde beseýi «izin sýytpaı» ashyldy. Osylaısha, jaıaý júrginshiler men avtokólik narıadtarynyń sanyn qaıta bólý, statsıonarlyq modýldik polıtsııa beketterin qurý, aldyn alý jumystarynyń tıimdiligin arttyrady, azamattardyń ótinishterine jedel jaýap berýge múmkindik beredi jáne «qoljetimdi polıtsııa» qaǵıdatyn júzege asyrýǵa yqpal etedi , – dep túıindedi Qanat Taımerdenov.
