Almatyda qylqobyzǵa arnalǵan hrestomatııanyń tanystyrylymy boldy
Y. Qańtardyń 22-si. QazAqparat /Názıra Eleýhan/ -Búgin Almatyda Qazaq ulttyq ónerin órkendetý jolynda eren eńbegimen tanylǵan qylqobyzshy-pedagog, QR Bilim berý isiniń úzdigi, QR Bilim jáne ǵylym mınıstrliginiń Qurmetti qyzmetkeri, «Jańashyl-pedagog» Ábdimanap Jumabekulynyń úsh tomdyq «Qylqobyzǵa arnalǵan hrestomatııalar» jınaǵynyń birinshi tomynyń tanystyrylymy bolyp ótti,
dep habarlaıdy QazAqparat.
Birinshi tom - «Bilim» baspasynan, 2000 danamen jaryq kórgen. Oqý quraly - mýzyka mektepteri men mýzyka kolledjderine, konservatorııa men óner, mýzyka akademııasynyń stýdentterine jáne jalpy óner súıer qaýymǵa arnalǵan. Qomaqty eńbek avtordyń otyz jyldan astam ýaqyt júrgizip kelgen ustazdyq tájirıbesi men ǵylymı-pedagogıkalyq izdenisiniń nátıjesinde dúnıege kelgen.
Tusaýkeser saltanatyna retsenzentter men kitapty shyǵarǵan baspagerler, belgili óner qaıratkerleri men pedagogtar, óner zertteýshiler men tanymal jýrnalıster qatysty.
«Bul meniń 30 jyldan astam ýaqytymdy arnap, kópten kútken, jınap, daıyndaǵan jumysym. Qylqobyzdy bitirgenderdiń ishinde alǵashqylardyń biri bolǵandyqtan, ustazdarymnyń izin basyp kele jatqandyqtan bul eńbek meniń moınymdaǵy mindet sııaqty boldy. Kitapty daıyndaǵannan keıin 10 shaqty jyl shyǵara almaı júrdim» dedi kitaptyń avtory Ábdimanap Jumabekuly.
«Bul hrestomatııa - elimiz táýelsizdik alǵannan bergi tuńǵysh ret jaryq kórip otyrǵan, bizdiń ustazdar men jalpy óner súıer qaýymǵa óte taptyrmaıtyn qural. Kópten kútilgen Ábdimanap Jumabekulynyń eńbegin maqtan etýimiz kerek», dedi QR Eńbek sińirgen óner qaıratkeri, Kúlásh Baıseıitova atyndaǵy RMMOMI-diń dırektory Oqan Abdýllaev.
