Almatyda KVI juqtyrǵan 3527 naýqas telemedıtsına ortalyǵynyń baqylaýynda
ALMATY. QazAqparat - Almatyda koronavırýs juqtyrǵan 3527 naýqas telemedıtsına ortalyǵy dárigerleriniń baqylaýyna alynǵan, dep habarlaıdy QazAqparat tilshisi.
Almaty qalasynda telemedıtsına ortalyǵynyń qyzmetkerleri koronavırýs juqtyrǵan jáne aýyrǵan 3 myńnan astam naýqasqa qashyqtan keńes beredi ári kún saıyn monıtorıng júrgizedi.
Búginde ortalyq dárigerleri 3527 naýqas pen statsıonardan shyqqan 49 patsıentti baqylaýǵa aldy.
Kún saıyn 2500-3000 kiris jáne shyǵys qońyraý baılanystary qaralady.
«Biz MSAK uıymdarynyń qyzmetkerlerimen júrgizgen oflaın keńesten soń telemedıtsına ortalyǵy mamandary onlaın túrinde keńes beredi jáne úı karantınindegi COVID-19-ben aýratyn patsıentter boıynsha monıtorıng júrgizemiz. Emdelýge jatqyzýǵa kórsetkishter bolǵan kezde TMO mobıldi brıgada nemese jedel járdem shaqyrady. Patsıentterdi tıisti medıtsınalyq kómek kórsetý úshin statsıonarlarǵa jiberemiz» - deıdi TMO basshynyń mindetin atqarýshy Juldyz Baýyrjanqyzy.
Sonymen qatar, Almaty qalasynyń turǵyndarynan COVID-19 aýrýyna shaldyqqandarǵa medıtsınalyq kómek kórsetý máselesi jónindegi kiris qońyraýlar túsken kezde, mamandar jedel qabyldap, turǵynnyń turatyn aýmaqtylyǵy boıynsha qala turǵynyna medıtsınalyq kómek kórsetý úshin emhanaǵa jiberedi, sondaı-aq, vaktsınatsııa máselesi boıynsha keńes beredi.
Aıta keteıik, telemedıtsına ortalyǵy úıde em qabyldap jatqan COVID-19-ben aýratyn patsıentterge kómek kórsetý maqsatynda 2020 jylǵy qyrkúıek aıynda ashylǵan bolatyn.
Ortalyq patsıentterge, sondaı-aq, qaýip tobyna kiretindermen qashyqtan baqylaý men konsýltatsııa júrgizedi.
Telemedıtsına ortalyǵyna táýlik boıy myna telefonmen habarlasýǵa bolady: 8 (727) 300 505, uıaly telefonnan - 1312.
