Almatyda KVI kórsetkishi nege ósip keledi – epıdemıolog
ALMATY. QazAqparat – Almatyda epıdemıolog KVI kórsetkishiniń ósý sebebin atady, dep habarlaıdy QazAqparat tilshisi.
Qalalyq Sanıtarlyq epıdemıologııalyq departament basshysynyń orynbasary Ásel Qalyqovanyń aıtýynsha, KVI kórsetkishiniń artýyna birneshe faktor yqpal etken.
«Naýryz aıynda koronavırýs juǵý kórsetkishiniń artýy birneshe faktorǵa baılanysty. Aýa raıynyń jylynǵanyna oraı qala ishindegi jáne syrtyndaǵy mıgratsııalyq kórsetkish artty. Kóbinese adamdar qoǵamdyq kólikte juqtyryp otyr. Saýda oryndarynda halyqtyń 22 paıyzy juqtyrsa, qoǵamdyq kólikte 18%-y juqtyrady», - dedi brıfıng barysynda Ásel Qalyqova.
Sonymen qatar, ol qoǵamdyq kólikte juqtyrǵan azamattar ary qaraı tizbekti túrde otbasy múshelerine de juqtyratynyn aıtty (33% otbasynda juqtyrǵan);
- otbasylyq merekelerdiń artýy – 3% (munyń aldynda – 0,2%);
- 1-5 synyp aralyǵyndaǵy mektep oqýshylarynyń aralas oqytý formatyna ótýine baılanysty 14 jasqa deıingi oqýshylar arasynda juqtyrý kórsetkishi 22,4%-ǵa artqan. Sońǵy 3 kúnde 138-den 169-ǵa jetti.
Sondaı-aq, sımptomsyz júrgen azamattardyń úı karantınin buzýy, karantın talaptaryn saqtamaýy yqpal etken.
