Almatyda kvadrotsıkldegi balalardy qaǵyp ketken júrgizýshi sottaldy
ALMATY. QazAqparat- Almatyda kvadrotsıkldegi balalardy qaǵyp ketken júrgizýshi sottaldy, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, jol-kólik oqıǵasy 2020 jyly 25 shilde kúni «Alataý» yqshamaýdanynda boldy.
«Toyota Camry» kóliginiń júrgizýshi A. Arystanov «Almaty-Kókpek-Kóktal-Alataý» tas joly boıymen batys baǵytta júrip kele jatyp shamamen 20:55-te jol erejesin buzdy. Ol aýa raıynyń qolaısyzdyǵyna mán bermedi. Qajetti qozǵalys jyldamdyǵyn tańdamady. ıAǵnı, «Alataý» shaǵynaýdanynan batysqa qaraı 134 metrde, jol qozǵalysy erejesiniń 8.1, 11.1 tarmaqtarynyń talaptaryn eskermeı, qaýipti manevr jasap, qarsy jolaqta kele jatqan tórt dóńgelekti kvadrotsıklmen soqtyǵysty. Nátıjıesinde kvadrotsıkl júrgizýshisi 16 jastaǵy jasóspirim aýrýhanada alǵan jaraqattarynan kóz jumdy. Al onyń jolaýshysy tórt jasar qyz aýyr jaraqat aldy», – dedi Almaty qalalyq Polıtsııa departamenti bastyǵynyń orynbasary Rústem Ábdrahmanov.
Sot sheshimimen A. Arystanov Qazaqstan Respýblıkasy Qylmystyq kodeksiniń 345-baby 3-bóliginde kózdelgen qylmysty jasaǵany úshin kináli dep tanyldy. Oǵan 2,6 jylǵa bas bostandyǵynan jáne 4 jyl merzimge kólik quraldaryn basqarý quqyǵynan aıyrý jazasy taǵaıyndaldy.
Ol jazasyn eń tómengi qaýipsizdiktegi qylmystyq sot júıesi mekemelerinde óteıdi.
«Úıqamaqqa alý» túrindegi bultartpaý sharasy ózgertilip, A.Arystanov sot zalynda qamaýǵa alyndy.
