Almatyda kúzet qyzmetiniń sheneýnikteri 24 myń dollar paramen ustaldy

ASTANA. QazAqparat - QR ІІM Almaty qalasynyń mamandandyrylǵan kúzet qyzmeti basqarmasynyń laýazymdy tulǵalary para aldy degen kúdikke ilindi, dep habarlaıdy QazAqparat tilshisi.

«Qamqorlyq jasaǵany úshin óziniń qaramaǵyndaǵylardan para retinde 24 myń 900 AQSh dollaryn alý faktisi boıynsha QR ІІM Almaty qalasynyń mamandandyrylǵan kúzet qyzmeti basqarmasynyń laýazymdy adamdaryna qatysty sotqa deıingi tergeý amaldary bastaldy», - dedi búgin Astanada ótken baspasóz máslıhatynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń qoǵammen baılanys jónindegi departamentiniń dırektory Arman Berdalın.

Onyń aıtýynsha, sotpen basqarma bastyǵy, batalon komandıri jáne onyń orynbasarlary qamaýǵa alynǵan. Qazirgi ýaqytta tergeý amaldary júrgizilýde.