Almatyda kúzde 20 myń aǵash kósheti otyrǵyzylady
ALMATY. QazAqparat - Almatyda kúz mezgilinde 20 myń qylqan japyraqty jáne japyraqty aǵashtardyń kóshetteri otyrǵyzylady. Olardyń alty myńnan astamy 10 qazanda uıymdastyrylǵan jalpyqalalyq senbilik kezinde egildi.
Bul týraly búgin Almaty qalasy Tabıǵı resýrstar jáne tabıǵatty paıdalanýdy retteý basqarmasynan habarlady.
Bıyl kóktem aılarynda Almatyda 18 myń aǵash kóshetteri otyrǵyzylǵan bolatyn.
Aıta ketelik, aǵash kóshetterin otyrǵyzý jumystaryn negizinen merdigerlik uıymdar ótemaqylyq qalpyna keltirý sharalary aıasynda júzege asyrady. ıAǵnı, óz qajettilikteri úshin aǵash kesýge májbúr bolǵan zańdy tulǵalar jańadan aǵash otyrǵyzý jumystaryna ketken shyǵyndardy birneshe ese artyq baǵamen tóleıdi.
Mysaly, taıaýda qala basshysy Baýyrjan Baıbek jol jıeginde ósip turǵan bes záýlim emen aǵashtaryn kesken Shangrila meıramhanasynyń basshylyǵyna 50 aǵash kóshetin otyrǵyzýdy tapsyrdy. Bul jumys meıramhanaǵa 770 myń teńgege tústi.
