Almatyda quıyndy jel medıtsınalyq mekeme men turǵyn úıdiń shatyryn, kólikterdi zaqymdady
ASTANA. 13 maýsym. QazAqparat - Almaty qalasynda daýyldy jel saldarynan medıtsınalyq mekemeniń shatyry julyndy, turǵyn úı men eki kólik zardap shekti, dep habarlady QR TJM-niń baspasóz qyzmetinen.
Seısenbi, 12 maýsym kúni Almaty qalasynda bolǵan qatty jel saldarynan Qonaev kóshesindegi Salaýatty ómir saltyn qalyptastyrý problemalary ulttyq ortalyǵynyń 4 qabatty ǵımaratynyń shatyry kókke ushty. Onyń aýmaǵy 550 sharshy metrdi qurady. 1985 jyly salynǵan ǵımarattyń jalpy aýdany - 750 sharshy metr.
Budan basqa, oǵan jaqyn ornalasqan 2 qabatty turǵyn úıdiń shatyry men turaqtaǵy eki kólik búlindi. Qaza tapqandar men zardap shekkender joq.
TJ-ny joıýǵa QR TMJ Almaty qalalyq TJD jeke quramynyń 25 adamy men 8 tehnıkasy, QR TJM Respýblıkalyq jedel-qutqarý jasaǵynyń 7 adamy men 1 tehnıkasy qatysty.
