Almatyda qýyrshaq teatrlarynyń «Orteke» halyqaralyq festıvali ótti
Apta boıy ótken óner merekesine Grýzııa, Túrkııa, Koreıa, Ózbekstan, Qyrǵyzstannyń jáne elimizdiń qýyrshaq teatrlary qatysyp, balalar men eresekterge arnalǵan úzdik qoıylymdaryn usyndy. Festıval aıasynda konkýrstyq jáne konkýrstan tys spektaklderdiń kórsetilimderi Respýblıkalyq memlekettik akademııalyq koreı mýzykalyq komedııa teatrynda, Memlekettik qýyrshaq teatrynda jáne Totalnyı teatry sahnalarynda ótti.
Festıvaldiń konkýrstyq qoıylymdaryn quramynda Qazaqstan, Koreıa, Grýzııa jáne Túrkııanyń jetekshi teatr qaıratkerleri bar halyqaralyq qazylar alqasy baǵalady.
Nátıjesinde «Orteke» VI halyqaralyq qýyrshaq teatrlary festıvaliniń «Eń úzdik qoıylym» nomınatsııasy boıynsha Iakob Gogebashvılı atyndaǵy Kýtaısı memlekettik kásibı qýyrshaq teatry G.H. Andersenniń «Usqynsyz úırek» qoıylymy úshinmarapattalady.
«Eń úzdik akterlik sheberlik» nomınatsııasy boıynsha Almaty qalasynyń Memlekettik qýyrshaq teatry E. Lokshınanyń «Men bir jumbaq adammyn. Abaı» qoıylymy úshinmarapattalady
«Eń úzdik qýyrshaq júrgizýshi» nomınatsııasy boıynsha FFWANG teatrynyń aktery Kvan So Eng «Hong Dodjı men Isımı» qoıylymy úshin marapattalady.
«Eń úzdik stsenografııa» nomınatsııasy boıynsha Totalnyı teatrynyń sýretshisi ıÝlııa Chernova G.H. Andersenniń «Dıýımovochka» qoıylymy úshinmarapattalady
«Eń úzdik qýyrshaq sýretshisi» nomınatsııasy boıynsha «Alaqaı» Aqtóbe oblystyq qýyrshaq teatrynyń sýretshisi Asııa Kýrmanalına «Aq keme» (Sh. Aıtmatov) qoıylymy úshinmarapattalady.
Sondaı-aq festıvalge qatysqan 14 teatr men 9 jeke tulǵa Alǵys hatpen marapattaldy.
Barlyq nomınatsııa jeńimpazdary úlken aqshalaı syılyqqa ıe boldy. Bas júlde 1 300 000 teńge boldy.
