Almatyda kúıik shalǵan 4 adamnyń jaǵdaıy belgili boldy
ALMATY. QazAqparat - Almatyda jylý magıstraliniń jarylýynan kúıik shalǵan 4 adamnyń jaǵdaıy týraly dárigerler aıtyp berdi, dep habarlaıdy QazAqparat tilshisi.
Oqys oqıǵadan 4 adam zardap shekken. Jedel járdem brıgadasy olardyń úsheýin - №4 aýrýhanaǵa, bir adamdy Shuǵyl medıtsınalyq kómek kórsetý aýrýhanasyna jetkizdi.
Bir adam ambýlatorııalyq em qabyldaý úshin úıine qaıtaryldy.
«Zardap shekkenderdiń tabanyn 1-2 dárejeli kúıik shalǵan. Naýqastardyń densaýlyǵy qazir jaqsy. Reanımatsııalyq sharalarǵa muqtaj emes. Medıtsınalyq kómek tolyq kólemde kórsetilip jatyr», - dep málim etti qalalyq qoǵamdyq densaýlyq saqtaý basqarmasynyń baspasóz qyzmetinen.
Aıta ketý kerek, oqys oqıǵa tańǵy 4-te Pýshkın kóshesinde bolǵan. 1993 jyldan beri qoldanylyp kele jatqan tozyǵy jetken qubyr jarylyp ketken. Saldarynan 4 adam zardap shekti. Kópqabatty úıdiń 7 páteri men turaqta turǵan 8 kólikke zaqym keldi. Almaty jylý jelileri kásiporny barlyq keltirilgen shyǵyndar kólemi eseptelgen soń zań sheńberinde óteıtin bolady.
