Almatyda kútýshisi qaıtys bolǵan qart ájeı bir apta boıy máıitpen birge turǵan
ALMATY. QazAqparat - Almatyda qart ájeıdi qaraýshy áıel qaıtys bolyp ketti, dep habarlaıdy QazAqparat tilshisi.
Qaıǵyly oqıǵa Nurkent shaǵyn aýdanyndaǵy №75 úıde bolǵan.
Kórshilerdiń aıtýynsha, 86 jastaǵy ájeıdiń kútýshisi aıaq astynan qaıtys bolyp ketken. Al naýqas qarııa kútýshisiniń qaıtys bolǵanyn eshkimge habarlaı almaǵan. Osylaısha bir apta boıy máıitpen ómir súrgen.
Esik ishten bekitýli bolǵan. Al kórshileri bir sumdyqtyń bolǵanyn jaǵymsyz ıisten bilgen.
Oqıǵa ornyna jedel járdem men polıtsııa shaqyryldy.
Polıtsııa adam óliminiń bolǵanyn rastady.
«Ia, áıel adam qaıtys bolyp ketken. Zorlyqpen óltirý belgileri joq. Dárigerler aıaq astynan bolǵan ólim dedi. Máıittiń qansha ýaqyt jatqanyn arnaıy sot-medıtsınalyq saraptama anyqtaıdy. Al páterde bolǵan qart ájeı aman. Ony dárigerler alyp ketti», - dedi qalalyq Polıtsııa departamentiniń resmı ókili Saltanat Ázirbek.
90-ǵa taıap qalǵan qart ájeı aýyr dertine baılanysty kútýshisiniń qaıtys bolǵany týraly habardy eshkimge jetkize almaǵan. Bir apta boıy tamaq pen sýsyz jatqan qarııa aýrýhanaǵa jetkizildi.
«Patsıenttiń jaǵdaıy aýyr. Onyń júreginde ıshemııalyq aýrýy bolǵan. Aralas genezdi entsefalopatııasy bar jáne qulaǵy jaqsy estimeıdi. Túsken kezde Kaheksı́ıa dıagnozymen tústi. ıAǵnı, aǵzasy qatty júdegen», - dedi qalalyq Qoǵamdyq densaýlyq basqarmasynyń baspasóz qyzmeti.
