Almatyda qutqarýshylarǵa páter kilti tabystaldy

ALMATY. QazAqparat- Jańa jyl qarsańynda qalalyq Almaty TJD bastyǵynyń orynbasary Samat Asaınov Alataý aýdany ındýstrııalyq aımaǵynda jańadan iske qosylǵan órt sóndirý deposynyń ǵımaratynda ornalasqan jeti qyzmettik páterdiń kiltin tabys etti, dep habarlaıdy QazAqparat tilshisi.

Bir bólmeli, eki jáne úsh bólmeli páterlerge ornalasqandardyń arasynda órt sóndirýshi qutqarýshylar, bólimshe komandırleri, órt sóndirý jáne avarııalyq-qutqarý qyzmetiniń bas mamandary men ınspektorlar bar.

«Táýelsizdiktiń 30 jyldyǵynda men úshin qalanyń jańa aýdanynda jańa qyzmettik páterlerdiń kiltterin tapsyrý úlken mártebe. Turmys jaǵdaılaryn jaqsartý garnızon qyzmetkerleri jumysynyń tıimdiligin arttyrýǵa yqpal etetini sózsiz. Jańa depolardy salý kezinde qyzmettik turǵyn úı bólý múmkindiginiń paıda bolýymen árbir qyzmetkerdi turǵyn úımen qamtamasyz etý týraly sheshim qabyldanady. Ákimdiktiń qoldaýymen jeke quramnyń turýy úshin úı-jaı qarastyrylǵan jańa órt sóndirý bólimderi salynyp jatyr. Biz - memleket pen jalpy qoǵam talap etetin avarııalyq-qutqarý qyzmetterin damytýdyń jańa kezeńin eskere otyryp, órt sóndirýshilerdiń áleýmettik sıpattaǵy máselelerin kezeń-kezeńimen sheshý úshin búkil kúsh-jigerimizdi salamyz», - dedi Samat Asaınov.

Ekinshi mamandandyrylǵan órt sóndirý bólimi bólimshesiniń komandıri, azamattyq qorǵaý aǵa serjanty Qanaǵatov Nurjan departament basshylyǵyna alǵysyn bildirip, barsha qazaqstandyqtarǵa ashyq aspan, amandyq pen densaýlyq tiledi.