Almatyda qutqarýshylar órtten 91 jastaǵy qarııany dalaǵa kóterip alyp shyqty

Almaty qalalyq Tótenshe jaǵdaılar departamentiniń «101» pýltine Almaly aýdany, Baıtursynov kóshesinde ornalasqan 4 qabatty turǵyn úıdiń shatyry janyp jatqany týraly habarlama búgin saǵat 14:15-te tústi.

Birinshi órt sóndirý brıgadasy oqıǵa ornyna 4 mınýtta, saǵat 14: 19-da kelip jetti.

Oqıǵa ornynda órt sóndirýshiler baspaldaqtardy tútin basqanyn kórgen.

Joǵarǵy qabattardaǵy páterlerden adamdardy evakýatsııalaý jáne órtti sóndirý boıynsha qutqarý jumystary birdeı júrgizildi.

№30 páterden órt sóndirýshiler 91 jastaǵy qarııany alyp shyqty.

Keıin málim bolǵanyndaı órt shatyrdaǵy aǵashtyń tutanýynan bolǵan.

Órt sóndirý kezinde barlyǵy 15 adam evakýatsııalanǵan, olardyń 6-ýy balalar.

Qyzyl jalyn 14:31-de aýyzdyqtalyp, 14:46-da tolyqtaı sóndirildi.

Tilsiz jaý 10 sharshy metr jerdi sharpyǵan.

Zardap shekkender joq.