Almatyda qutqarýshylar órtengen kólik jóndeý ornyndaǵy ballon jarylysynyń aldyn aldy
ALMATY. QazAqparat - Almatyda Muratbaev jáne Jambyl kósheleriniń qıylysynda ornalasqan kólikke tehnıkalyq qyzmet kórsetý orynyndaǵy órt sóndirildi, dep habarlaıdy «QazAqparat» HAA tilshisi.
Buǵan deıin 29 jeltoqsan saǵat 10:55-te «101» pýltine Almaly aýdany, Muratbaev kóshesi, 203 mekenjaıynda ornalasqan kólikke qyzmet kórsetý ornynyń órtke oranǵany týraly qońyraý túskeni habarlanǵan edi.
«Alǵashqy órt sóndirý mashınalary 7 mınýttan keıin, 11:02-de aıtylǵan jerge jetti. Órt sóndirýshiler alynǵan aqparatty rastady.
11:16-da tolyqtaı aýyzdyqtaldy. Órt sóndirý barysynda 25 lıtrlik gaz ballony shyǵaryldy. Órt saldarynan 2 avtokólik tutas janyp ketti. Ot jalyny 8 avtokólikti sharpydy», - dep habarlady qalalyq TJD resmı ókili Sandýǵash Baımuhambetova.
Órt aýmaǵy 200 sharshy metrdi quraǵan.
