Almatyda qutqarýshylar muz kóshkininiń saldaryn joıyp jatyr
ALMATY. Almatyda - Esentaı ózeniniń jaǵalaýyn muzdan tazalaý jumystary júrip jatyr, dep habarlaıdy QazAqparat tilshisi.
«Qazirgi tańda «Qazseldenqorǵaý» mekemesiniń Almaty fılıaly men Almaty qalasy ákimdiginiń 109 qutqarý qyzmeti avarııalyq brıgadalary ózen arnasy men trotýarlardy muzdan tazartýdy bastady. Tótenshe jaǵdaıdyn aldyn alý maqsatynda Aqsaı, Úlken jáne Kishi Almaty ózenderinde mobıldi jyljymaly beketter qoıyldy»,- dep habarlady qalalyq Tótenshe jaǵdaılar departamentiniń baspasóz qyzmeti.
Vedomstvo málimetinshe, zertteý nátıjesi kórsetkendeı muz qozǵalysy Esentaı sý qabyldaǵyshynyń joǵary jaǵynda bastalǵan.
Jekelegen ýchaskelerde Esentaı ózeniniń turaqtandyrylǵan arnasynyń qorshaýlary zaqymdandy.
Sondaı-aq, keı jerde muz ózen arnasynyń boıyndaǵy trotýarlarǵa tústi.
«Qazirgi ýaqytta muz ózen arnasynda toqtady. Jınalǵan muzdyń kólemi 6500-6700 m3 qurady. Qurbandar men zardap shekkender joq»,- dep atap ótti departamentten.
Buǵan deıin Almatyda aýa temperatýrasynyń aýytqýyna baılanysty muz kóship, Esentaı ózeniniń jaǵalaýyndaǵy qorshaýdy buzyp ketkenin jazǵan bolatynbyz.
