Almatyda qutqarýshylar arasynda shaǵyn fýtbol týrnıri ótti
ALMATY. 31 tamyz. QazAqparat - Konstıtýtsııa kúnine oraı «Almaty qutqarý qyzmeti» memlekettik kommýnaldyq qazynalyq kásiporny qyzmetkerleri shaǵyn fýtbol týrnırin ótkizdi.
7 komanda qatysqan bul jarysta apattan-qutqarý otrıadynyń birinshi komandasy jeńimpaz atandy. Al 2-3 oryndy avtosharýashylyq pen apattan-qutqarý otrıadynyń ekinshi komandasy ózara bólisti. Sondaı-aq apattan-qutqarý otrıadynyń múshesi Qaısar Myńjasarov «týrnırdiń úzdik oıynshysy» atandy. Al onyń áriptesi Jasulan Buǵybaev «úzdik qaqpashy» dep tanyldy.
