Almatyda «Qustardy uıasyz qaldyrmaıyq!» atty aktsııa ótip jatyr

Atalmysh sharanyń uıymdastyrýshylary - Almaty qalasy tabıǵı resýrstar jáne tabıǵatty paıdalanýdy retteý basqarmasy men qalalyq Jas natýralıster stansasy jáne Almaty qalalyq ekologııalyq ıspektsııasy.

Aktsııaǵa qalanyń barlyq aýdanynan jınalǵan 100-den asa oqýshylar, ustazdar qaýymy men tabıǵı resýrstar basqarmasy men ekologııalyq ınspektsııa ókilderi qatysýda. Oqýshylar demalys saıabaǵy aýmaǵynda qolymen daıyndalǵan qus uıalaryn aǵashtarǵa ilýde. Bul kúni olar saıabaq aýmaǵyna 70 qus uıasyn ornalastyrýdy josparlap otyr. Búgin oqýshylarǵa sonymen qatar, zoologtar men ornıtologtar arnaıy sheberlik dárister ótkizetin bolady.

Sharany sońynda erekshe eńbegimen kózge túsken mektep ujymy men oqýshylarǵa dıplomdar men arnaıy syılyqtar tabystalatyn bolady.

«Bul jalpyqalalyq sharanyń negizgi maqsaty - óskeleń urpaqty qorshaǵan ortany qorǵaýǵa, tabıǵatty súıýge tárbıeleý, qustardy shaqyrý jáne qorǵaý, turǵyndar men mektep oqýshylarynyń ekologııalyq kózqarasy men tabıǵat aldyndaǵy jaýapkershiligin qalyptasyrý, ekologııalyq mádenıetin arttyrý, sonymen birge tabıǵatty qorǵaý jumysyna aralastyrý bolyp tabylady. Bıyl bul iri kólemdegi aktsııany úshinshi jyl ótkizip otyrmyz», -dedi Jas natýralıster stansasynyń dırektory Zeınep Arısheva.

Onyń aıtýynsha, bul aktsııa bir ret qana ótetin shara emes, jyl boıy ótkiziletin shara. «Qysta qustarǵa jemshasharlar jasasaq, kóktemde qustarǵa uıa ilýdi dástúrge aınaldyrdyq. Budan ózge de kóptegen tabıǵatty aıalaýǵa, qorshaǵan ortany qorǵaýǵa arnalǵan sharalar 40 jyldan beri atqarylyp keledi, óıtkeni bizdiń stansynyń jumys istep jatqanyna 40 jyldan asa ýaqyt boldy. Jylda ár túrli semınarlar, aktsııalar, sheberlik synyptar, tabıǵat aıasyna ekskýrsııalar jáne taǵy da basqa sharalardy ótkizip turamyz. Máselen, kelesi aptada bıologııa-ekologııalyq taqyrypta bizde ǵylymı-praktıkalyq konferentsııa ótkizemiz, odan keıin halyqaralyq orman jylyna arnalǵan bilim marafony, «Óner arqyly jasyl planetaǵa» dep atalatyn teatrlandyrylǵan ekologııalyq festıvaldi ótkizýdi josparlap otyrmyz», -dedi ol.

Onyń sózine qaraǵanda, jas natýralısterdiń sany jyldan jylǵa artpasa, kemimegen. «Memleket qamqorynyń arqasynda úıirmelerge oqýshylar tegin qatysýda. Bir kezderi qatysýshylar sany 1000-ǵa jetpese, qazirgi ýaqytta bizde 1200-den asa oqýshy qatysýda. Ortalyqta 5 bólim jumys isteıdi»,-deıdi Z. Arısheva.

Almaty qalasy tabıǵı resýrstar jáne tabıǵatty paıdalanýdy retteý basqarmasynyń bas mamany Gúljazıra Qajıaqparqyzynyń aıtýynsha, sońǵy jyldary adamdardyń sharýashylyq qyzmetiniń áserinen saıabaqtardaǵy, jalpy qaladaǵy qustardyń sany men onyń alýan túrliligi kemigen. «Sondyqtan, qala turǵyndarynyń aldynda tabıǵı baılyqty saqtaý jáne onyń qasıetterin baǵalaý, qustardy qorǵaý jáne saqtap qalý, olardyń túrlerin kóbeıtý sııaqty mindetter tur. Osy baǵytta júıeli túrde jumys jasaý arqyly ǵana qorshaǵan tabıǵı ortany saqtaýda aldyńǵy jáne keıingi urpaqtyń kúshin biriktirý múmkin bolmaq»,-dep sanaıdy ol.