Almatyda kúshti zilzala bolady degen aqparat jalǵan - TJD
Qalalyq TJD mamandary habarlaǵandaı, Almaty aýmaǵyndaǵy seısmologııalyq baqylaýdy Seısmologııalyq tájirıbelik ádistemelik ekspedıtsııa men Seısmologııa ınstıtýty júrgizedi. STÁE jer silkinisi týraly málimetterdi tirkep, táýlik boıy parametrlerdi ólsheýmen aınalysady. Al Seısmologııa ınstıtýty jer silkinisi qaýipsizdigi baǵytynda irgeli jáne qoldanbaly zertteý júrgizýmen aınalysady.
«Seısmologııa ınstıtýtynyń aqparatyna sáıkes, jer qyrtysynyń 6 balǵa deıin qozǵalýynan (MSK-64 shkalasy boıynsha) ınfraqurylym zaqymdala qoımaıdy. Ǵımarattar buzylyp, qıramaıdy. Jyl saıyn Almaty mańynda 80 km radıýsta 200-ge tarta jer silkinisi bolyp turady. Seısmologııa ınstıtýtynyń paıymdaýynsha, Almaty mańynda 2018 jyly qýaty 7 balldan asatyn jer silkinisi bolmaıdy»,- dedi TJD.
Uzaqmerzimdi boljam jyldyń sońynda jasalady.
Qalalyq TJD turǵyndardy tek qana resmı organdardyń aqparatyna senýge shaqyrady.
«Vıktor Inıýshın taratqan aqparatqa sáıkes keletin jer silkinisiniń parametrleri joq. Onyń boljaý ádistemesi ǵylymı negizge súıenbegen. Ol kisiniń boljamdary Seısmologııa ınstıtýty mamandarynan turatyn komıssııanyń qaraýyna alynbaǵan. Sonymen qatar, ál-Farabı atyndaǵy QazUÝ professory Tilekqabyl Ramazanovtyń aıtýynsha, Inıýshın basqaratyn bıofızıkalyq boljam qyzmeti JOO qurylymdyq bólimshesi emes. Onyń boljamyna JOO jaýap bermeıdi» delingen habarlamada.
Eske sala keteıik, buǵan deıin túrli BAQ betterinde bıofızık Vıktor Inıýshınniń Almatyda qýaty kúshti jer silkinisi bolatyny týraly boljamy tarap ketken bolatyn.
