Almatyda kúshti jer silkinisi bolmaıdy
ALMATY. 3 mamyr.QazAqparat /Erbol Azanbek/ - Almatyda jaqyn kúnderi qatty jer silkinisi bolmaıdy. Bul týraly Seısmologııa ınstıtýynyń mamandary habarlady.
Esterińizge sala keteıik, mamyrdyń 1-i kúni Almatyda birneshe márte jer silkinisi sezilgen bolatyn. Onyń alǵashqysy tańǵy 8.31-de tirkelgen edi. Bunyń artynan almatylyqtar arasynda qýaty 9-12 balǵa deıin jer silkinisi bolady degen jalǵan aqparat tarap, halyqtyń kópshiligi kóshege shyǵyp ketti. Bunymen qatar úreıli áńgimeler taraýy saldarynan Almaty qalalyq tótenshe jaǵdaılar departamenti men seısmologııa ınstıtýtynyń basshylary túngi saǵat 24.00-de Almaty telearnasy arqyly tikeleı efırge shyǵyp, esh qaýiptiń joqtyǵyn túsindirýge májbúr boldy. Seısmologııa ınstıtýynyń dırektory Tańatqan Abaqanovtyń aıtýynsha, aldaǵy ýaqytta qýatty jer silkinisinen qaýiptenýge negiz joq.
