Almatyda qurylysshylar kúni velosherý ótedi (FOTO)
ALMATY. QazAqparat - Almaty qalasynda velosherýdiń ekinshi kezeńi 14 tamyz, jeksenbi kúni ashylmaq. Dástúrge aınalǵan bul velosherý qurylysshylar kúnine arnalatyn bolady.
Qalalyq Dene shynyqtyrý jáne sport basqarmasynyń baspasóz qyzmetiniń habarlaýynsha, velosherý kelesi baǵyt boıynsha ótpek: «Nurly Taý» BO-nan saǵat 9:00-de bastalyp, 28 gvardııashyl-panfılovshylar saıabaǵynda aıaqtalady.
Sherýge qatysýshylar 10 shaqyrymdyq qashyqtyqty júrip ótedi. Jeńimpazdarǵa arasynda baǵaly syılyqtar beriledi.
Eske sala ketsek, velosherýdiń alǵashqy kezeńi 10 sáýirde bastalyp, 17 shildede aıaqtalǵan bolatyn. Bul sporttyq is-shara «Sporttyq Almaty» buqaralyq sportty damytý baǵdarlamasy aıasynda, Qazaqstan Respýblıkasynyń Táýelsizdiginiń 25 jyldyǵy jáne Almaty qalasynyń 1000 jyldyǵyna oraı ótkiziledi.
