Almatyda qurylysshy seriktesimen tóbelesip, pyshaqtap tastaǵan
«5 maýsym kúni Medeý aýdandyq polıtsııa basqarmasyna Qulja tasjolynda turǵyn úı keshenderiniń birindegi páterde eki jaldamaly jumysshynyń arasyndaǵy tóbeles saldarynan er adamnyń biri esinen tanyp qalǵany týraly aqparat kelip tústi. Jedel-tergeý toby oqıǵa ornyna kelgende 37 jastaǵy H. esimdi er adam Vasıa esimdi seriktesimen birge joǵaryda atalǵan páterdi qurylys jumysyn júrgizip, ishimdik ishkeni anyqtaldy. Mas bolǵan olardyń arasynda janjal shyqqan. Tóbeles kezinde H. seriktesine birneshe ret jaraqat salǵan. Qazir qaıtys bolǵan er adamnyń aty-jóni anyqtalyp jatyr», - dep habarlady Almaty qalasy polıtsııa departamentiniń baspasóz qyzmetinen.
Kúdikti ustalyp, ýaqytsha ustaý oqshaýlaǵyshyna qamaldy.
«QR Qylmystyq kodeksiniń 99-baby boıynsha sot aldyndaǵy tergeý amaldary bastaldy», - dep málimdedi Medeý aýdandyq polıtsııa basqarmasy nyń bastyǵy Dáýren Ótebaev.