Almatyda Qurylysshy kúnine oraı ótkizilgen velsherýge 1000-nan asa adam qatysty (FOTO)
ALMATY. QazAqparat - Búgin Almatyda dástúrli apta saıynǵy velsherý ótkizildi.
«Qurylysshy kúnine oraı ótkizilgen velosherýge 1000-nan asa adam qatysty. Bul sporttyq shara tańǵy saǵat 09:00-de «Nurly Taý» bıznes ortalyǵy aýmaǵynan bastalyp, 28 panfılovshylar saıabaǵynda aıaqtaldy. Velosherýden keıin osy saıabaqta veloáýesqoılar arasynda ár túrli oıyndar men baıqaýlar uıymdastyryldy. Oǵan belsendi túrde qatysqandarǵa syılyqtar tabys etildi», - delingen Almaty qalalyq dene shynyqtyrý jáne sport basqarmasynyń taratqan habarlamasynda.
Esterińizge sala ketelik, bıylǵy jyly dástúrli velosherýdiń alǵashqy kezeńi 10 sáýirde bastalyp, 17 shildede aıaqtalǵan bolatyn. Bul sporttyq shara «Sporttyq Almaty» qalalyq baǵdarlamasy aıasynda ótkizilýde. Munda basty maqsat - buqaralyq sportty damytý, qala jurtshylyǵyn salaýatty ómir saltyn ustanýǵa shaqyrý. Velosherý ótkizý sharasy aldaǵy qazan aıynyń orta shenine deıin jalǵasady.
