Almatyda qurylysshy bıikten qulap kóz jumdy

ALMATY. QazAqparat - Almatydaǵy qurylys alańynda jumysshy qaza tapty. Polıtsııa tekserip jatyr, dep habarlaıdy QazAqparat tilshisi.

Almaty qalasy polıtsııa departamentiniń málimetinshe, qaıǵyly oqıǵa «Samal-3» shaǵyn aýdanyndaǵy qurylys alańynda bolǵan.

«Belgili bolǵanyndaı 25 jastaǵy qurylysshy bıikte qaýipsizdik beldiginsiz jumys istegen. Jas jigit jedel járdem brıgadasy kelgenshe kóz jumdy. Qazirgi ýaqytta bul is boıynsha arnaıy saraptamalar taǵaıyndalyp, qajetti tergeý amaldary júrgizilýde, onyń qorytyndysy boıynsha oqıǵaǵa quqyqtyq baǵa beriledi», - dep habarlady qalalyq ІІD baspasóz qyzmeti.

Aıta keteıik, kóktemde 19 jastaǵy jigit Qabanbaı batyr men Nurmaqov kóshesindegi qurylysta qaza tapqan bolatyn.