Almatyda qurylys salasyndaǵy 44 merdiger kompanııa jaýapqa tartyldy
ALMATY. QazAqparat- Megapolıste qurylys sapasyna salǵyrt qaraǵan 44 merdiger kompanııa jaýapqa tartyldy. Bul týraly onlaın brıfıng barysynda Almaty qalasynyń qurylysty baqylaý basqarma basshysynyń orynbasary Oljas Tólebaev málim etti, dep habarlaıdy QazAqparat tilshisi.
«Jyl basynan beri tekserý qorytyndysy boıynsha qurylys sapasyna áser etetin buzýshylyqtary úshin 44 merdiger jaýapkershilikke tartyldy. Lıtsenzııadan keıingi baqylaý nátıjesinde 42 lıtsenzııanyń qoldanylýy ýaqytsha toqtatyldy, 360 lıtsenzııanyń qyzmeti múldem toqtatyldy. Qurylys alańdarynda baqylaýdy durys jasamaǵany úshin 15 tehnıkalyq qadaǵalaý uıymy jaýapkershilikke tartyldy. Oǵan qosa 4-eýiniń sarapshy kýáliginiń qoldanylýyn ýaqytsha toqtatyldy», - dedi ol.
Sonymen qatar, ol salynyp jatqan nysandarǵa toqtaldy.
«Alty aıdyń ishinde salynyp jatqan obekti sany – 989. Onyń ishinde 338-i paıdalanýǵa berildi, 651 obekti salynyp jatyr. Atap aıtsaq, bıýdjettik - 209, kommertsııalyq - 442 nysan bar. Qurylys alańdarynda 323 qurylys kompanııasy jáne 135 tehnıkalyq qadaǵalaý uıymy jumys istep jatyr»,- dedi spıker.
