Almatyda qurylys kompanııasy áleýmettik jaýapkershilik aıasynda balabaqsha salady
ALMATY. QazAqparat - Qala ákimi Baqytjan Saǵyntaev jumys sapary kezinde Almaly aýdanyndaǵy jańa turǵyn keshenderin aralap kórdi, qoljetimdi áleýmettik nysandar salý jónindegi jobany júzege asyrý barysymen tanysty, dep habarlaıdy QazAqparat qala ákimdigine silteme jasap.
«Birinshisinde belsendi uzaq ómir súrý ortalyǵyn, ekinshisinde kitaphanasy, túrli úıirmeler, kovorkıng-aımaǵy jáne sheberlik sabaqtaryn ótkizetin balalarǵa arnalǵan damytý ortalyǵyn ashamyz. Áleýmettik jaýapkershilik aıasynda developerler kórshi úılerdiń aýlasyn jóndep, 100 orynǵa arnalǵan balabaqsha salady», - dep jazdy Baqytjan Saǵyntaev Instagram-daǵy paraqshasynda.
Aıta ketý kerek, 108 páteri bar «Elıf taýers» TK eki qabatty eski qamys 2 úıdiń ornyna salyndy
Qala ákimi jumys sapary barysynda 7-Eleven álemdik shaǵyn dúkender júıesi boıynsha qurylǵan jańa formattaǵy dúkende de boldy. Joba franchaızıng negizinde jumys jasaýda.
B. Saǵyntaev jyldyq qýaty 86,3 myń tonna ónim shyǵarýǵa arnalǵan tazartylǵan suıyq maı men maı shyǵaratyn kásiporynda boldy. Zaýytta 1 068 adam jumys isteıdi.
