Almatyda qurylys kompanııalaryna 220,3 mln teńge aıyppul salyndy
ALMATY. QazAqparat – Almatyda qurylys jumystarynyń sapasyna qoıylatyn talaptar kúsheıtiledi, dep habarlaıdy QazAqparat tilshisi.
Almaty ákimi Baqytjan Saǵyntaevtyń tóraǵalyǵymen ótken keńeske qurylys kompanııalarynyń jáne kásibı qaýymdastyqtyń ókilderi qatysty. Jıyn barysynda turǵyn úı qurylys salasynda qurylys merzimin saqtaý jáne jumys sapasyn arttyrý máseleleri qaraldy.
Almatyda búgingi kúni 779 qurylys nysany bar, onyń ishinde 533-i -kommertsııalyq obekt. Qalada qurylys jumystaryn barlyǵy 323 qurylys kompanııasy men 135 tehnıkalyq qadaǵalaý uıymy júzege asyrady.
Megapolıstiń memlekettik sáýlet-qurylys baqylaý basqarmasy qurylys jumystarynyń sapasyna turaqty túrde monıtorıng jasaıdy.
Monıtorıng nátıjeleri boıynsha 2020 jyly qurylys kompanııalarynyń 80%-y jaýapkershilikke tartyldy. 69 kompanııanyń lıtsenzııasy alty aı merzimge toqtatyldy, 154 kompanııa ártúrli sanattaǵy qurylys lıtsenzııalarynan aıyryldy.
Qurylys normalaryn buzǵany úshin jyl ishinde salynǵan aıyppuldardyń jalpy somasy 220,3 mln teńgeni qurady.
Negizigi olqylyqtar – jobalyq sheshimderden aýytqý jáne qurylys jumystaryn júrgizý barysynda tıisti talaptardy saqtamaý. Mine bular qurylys sapasyna keri áserlerin tıgizýde.
Mysaly, qurylys óndirisin jetkiliksiz uıymdastyrý, beton jumystary tehnologııasyn jáne qaıta toltyrý tehnologııasyn buzý, kólik jolyn qalpyna keltirmeý, qaýipsizdik sharalaryn saqtamaý, kirý jáne operatsııalyq baqylaýdyń bolmaýy, jumys kestesinen kesh qalý sııaqty faktiler anyqtaldy.
Tehnıkalyq qadaǵalaý fýnktsııalaryn júzege asyrýǵa tıisti baqylaýdyń bolmaýy saldarynan 47 adam jaýapqa tartyldy, onyń 18-iniń jumystary toqtatyldy.
Baqytjan Saǵyntaev qurylys salasyn baqylaýdy kúsheıtýdi jáne qurylys jumystarynyń sapasyn jaqsartý maqsatynda keshendi sharalar ázirleýdi tapsyrdy.
Usynylǵan is-sharalar mynandaı: qurylys júrgizýshilerdiń senimdi reıtıngin qurý, turǵyn úı qurylysy salasynda tájirıbesi joq kompanııalardyń qyzmetine shekteý qoıý. Sonymen qatar, tapsyrys berýshige tyıym salý jáne bekitilgen jumys jobasyna qurylys materıalyna qatysty avtorlyq qadaǵalaýdyń ózgerister engizýi úshin tıisti tetikterdi qoldaný múmkindigi de qarastyrylyp jatyr.
