Almatyda qurylys bazary órtendi
ALMATY. QazAqparat - Búgin Naýryzbaı aýdanynda ornalasqan qurylys bazarlarynyń birinde órt shyqty, dep habarlaıdy QazAqparat tilshisi oqıǵa ornynan.
Tilsiz jaý bazar basshylyǵy otyratyn bólme men japsarlas ornalasqan ashanany sharpyǵan. Keıin ǵımarat qasynda turǵan jeńil kólik te otqa oranǵan. Qalalyq TJD órt sóndirý qyzmetiniń 4 brıgadasy kelip, saǵat 11-ge taman tilsiz jaýdy aýyzdyqtap úlgerdi. Ázirge qansha aýmaqtyń otqa oranǵanyn aıtý múmkin emes. Japa shekkender men qaza bolǵandar jaıly da aqparat joq. Órttiń neden tutanǵany anyqtalýda. Qalalyq TJD baspasóz qyzmeti tolyq aqparatty 2 qyrkúıekte jarııalamaq.
