Almatyda qurylys alańynda topyraq opyrylyp, 1 adam jaraqat aldy
ALMATY. QazAqparat - Almatyda bazar mańyndaǵy qurylys alańynda topyraq opyrylyp, 1 adam jaraqat aldy, dep habarlaıdy QazAqparat tilshisi.
Oqıǵa «Abaı» jáne «Altynsarın» kósheleriniń qıylysyndaǵy «Sary-Arqa» bazarynda bolǵan.
Kýágerler taratqan vıdeoda turǵyn úı qurylysy basynda qazylǵan shuńqyrdyń sheti opyrylyp ketkeni anyq baıqalady.
Qalalyq Qoǵamdyq densaýlyq saqtaý basqarmasynyń habarlaýynsha, oqys oqıǵadan bir adam japa shekti.
Ol shuǵyl túrde 4 aýrýhanaǵa jetkizildi.
«Dárigerlerdiń qaraýynan soń patsıent nevropatologten ambýlatorııalyq em alýǵa úıine shyǵaryldy. Onyń beti men basy jaralanǵan, mıy shaıqalǵan», - dedi basqarmadan.
