Almatyda qurylys alańynda krannyń neden qulaǵany belgili boldy
ALMATY. QazAqparat – Almatyda kran qulaǵan kezde jaraqat alǵan jumysshy medıtsınalyq kómek kórsetilgennen keıin úıine jiberildi. Bul jaıynda Tótenshe jaǵdaılar mınıstrligi ónerkásiptik qaýipsizdik komıtetinen málim etti, dep habarlaıdy QazAqparat tilshisi.
«Aldyn ala derekterge sáıkes, munara kranyn bólshekteý protsesinde qaýipsizdik tehnıkasynyń buzylýy saldarynan jebe sektsııasy (jebe sektsııasy durys bekitilmegen) aýdarylyp ketken. Jazataıym oqıǵa saldarynan eki adam zardap shekti. Onyń bireýi oqıǵa ornynda qaıtys boldy. Ekinshisi basynan jaraqat alǵan jáne medıtsınalyq kómek kórsetilgennen keıin úıine jiberildi», - dep atap ótedi komıtetten.
Vedomstvonyń málimetinshe, qurylystyń toqtap qalýyna baılanysty 2021 jylǵy qarashadan bastap kran paıdalanylmaǵan.
Buǵan deıin Almatyda qurylys alańynda kran qulap, bir adam mert bolǵanyn habarlaǵan edik.
