Almatyda qurylǵan 100-qazaq jeke atqyshtar brıgadasynan 35 maıdanger ǵana qaldy - Sultan Jıenbaev
Sultan Jıenbaev búgin Almatyda 28 panfılovshy-gvardııashylar saıabaǵyndaǵy Máńgilik alaý túbinde maıdandas dostaryn eske alý kezinde osylaı aıtty.
«Shyǵystyń qos juldyzy atanǵan Mánshúk Mámetova 100-qazaq jeke atqyshtar brıgadasy quramynda maıdanǵan medbıke bop attanǵan bolatyn. Ony alǵash ret bizdi «qyzyl» vagonmen soǵysqa shyǵaryp salar kezde kórdim. Temir jol beketinde egde jastaǵy medıbkelermen birge tur eken. Olardyń sen áli jassyń ǵoı degen suraǵyna óziniń soǵystan qoryqpaıtynyn aıtyp, ójet minezimen birden kózge tústi», - deıdi S.Jıenbaev. Onyń aıtýynsha, Mánshúk pýlemet rotasyna aýyspaı turyp-aq óziniń erligin ózgelege moıyndata aldy. Urysta jaralanǵan jaýyngerlerge kómek kórsetip, olardyń birin arqalap, birin maıdan dalasynan alyp shyǵyp júrgen onyń qaharmandyǵyna kórgen janyń bári qaıran qalatyn. Shaǵyn ǵana qazaq qyzynyń alpamsadaı azamattardy jaý oǵynynyń astynan alyp shyǵyp, ómirin saqtap qalýǵa jantalasyp júrgenin kórip, ózgeler odan óz boıyna kúsh-qýat alatyn.
«Nevel maıdanynda 1943 jyly 16 qazanda Pskov oblysyndaǵy Izocha stansasy túbindegi 173,7 metrlik biıiktikti baǵyndyrý kezinde ol óz pýlemetimen dushpandy qoǵadaı japyryp, bas kótertpeı qoıdy. Ony jalań qolmen ala almaıtynyna kózi ábden jetken soń olar batyr qyzdy zeńbirekpe atqylady. Dáldep atylǵan snarıad oǵynyń jaryqshaǵy jas qyzdyń ómirin qyrshyn etti. Alaıda jaý báribir onyń baǵyndyrǵan bıiktigin qaıtara almaı, saǵy syndy. Qaharman qyzymyzdy aqtyq saparǵa óz qolymmen shyǵaryp saldym», - deıdi S. Súleımenuly. Mánshúk jerlengen jerden eshqashan gúl arylmaıtyn ózi kózimen kórgen maıdangerdiń sózine qaraǵanda, neveldikter batyr qyzymyzdyń erligin áli umytqan joq. «Almatyda qurylǵan 100-qazaqtyń jeke atqyshtar brıgadasyndaǵy 5 myń maıdangerdiń 80 paıyzy maıdan dalasynda qaldy. Respýblıka boıynsha qazir olardan 35 adam ǵana qaldy. Olardyń 12-si Almatyda turady. Búgingi tańda Rjevte 100-qazaqtyń jeke atqyshtar brıgadasy men Aqtóbede qurylǵan 101-qazaq atqyshtar brıgasyna qoıylǵan eskertkish bar», deıdi maıdanger.
