Almatyda kýrstasyn óltirdi dep aıyptalǵan stýdent sottaldy
ALMATY. QazAqparat - Almatyda Bostandyq aýdandyq sotynda óz kýrstasyn óltirdi dep aıyptalǵan Q.Sətpaev atyndaǵy QazUTZÝ stýdenti Tilek Tekeshovke qatysty sot úkimi shyqty, dep habarlady QazAqparat tilshisi sot zalynan.
Bostandyq aýdandyq sotynyń sýdıasy Lıýdmıla Bektemırova aıyptalýshy Tilek Tekeshovti QR QK 106-babynyń 3-bólimi boıynsha 8 jylǵa bas bostandyǵynan aıyrdy. Ol jazasyn jalpy kolonııada óteıtin boldy. Sondaı-aq, ol japa shekken tarapqa 6,1 mln teńge moraldyq-materıaldyq shyǵyn óteıtin boldy.
Qaza bolǵan jigittiń ata-anasy atalǵan aıypty qataıtyp, ony ədeıi óltirdi degen bapty engizýdi suraǵan bolatyn. Sot úkimi zańdy kúshine engen joq. Aıyptalýshy tarap 15 kún ishinde qalalyq sotqa apellıatsııalyq shaǵym túsire alady.
Esterińizge sala ketsek, Q.Sátpaev atyndaǵy QazUTÝ ǵımaratynda osydan birneshe aı buryn osy ýnıversıtet stýdenti Samurat Jaqsylyqov óltirilgen bolatyn. Onyń denesi dárethanadan tabyldy. Kýágerlerdiń aıtýynsha, kúdikti men Samurattyń arasyndaǵy eregis kitaphanadan bastalǵan kórinedi.
Kitaphanadan shyqqan ekeý ózara máseleni dárethanaǵa baryp sheshpek bolǵan. Sol kezde kúdikti jábirlenýshini pyshaqtap, ózi oqıǵa ornynan qashyp ketken. Jedel járdem jetemin degenshe S.Jaqsylyqov ýnıversıtet ǵımaratynda kóz jumdy.
