Almatyda kýrsant beltemirde 1033 ret aınalyp, rekord jańartty
ALMATY. QazAqparat - QR UQK Shekara qyzmeti akademııasynyń kýrsanty Ermek Erkinuly akademııa tarıhynda bolmaǵan rekord ornatty. Ol beltemirde 1033 ret ishpen aınalý jattyǵýyn jasady, dep habarlaıdy «QazAqparat» tilshisi QR UQK Shekara qyzmeti akademııasynyń baspasóz hatshysy Janat Jabyrbekov taratqan aqparatqa silteme jasaı otyryp.
«Sport dese ishken asyn jerge qoıatyn 1-oqý dıvızıonynyń kýrsanty, serjant Ermek Bekjanov oqý dıvızıondary arasynda ótkizilgen jarystardyń birinde, buryn sońdy akademııa tarıhynda bolmaǵan oqıǵanyń sebepkeri atandy. Ol beltemirge tóńkerilip ishpen aınalý jattyǵýyn (podem perevorotom) toqtaýsyz 1033 ret jasap, qarýlas dostaryn tańqaldyrdy. Osyndaǵy shekarashylardyń aıtýynsha, atalǵan jattyǵýdy osydan on jyl buryn bir jyldyq oqýǵa kelgen kýrsant 333 ret istegen», - deıdi Janat Jabyrbekov.
«Beltemirge urshyqsha aınalý ońaı emes. Jattyǵýdy oryndaý barysynda eki bilegim talyp, alaqanymnyń ishki terisi sylynyp qan sorǵalaı bastady. Sonyń ózinde joq degende myń ret jasaýǵa tyrystym. Keıinnen taǵy da namysqa tyrysyp, otyz úsh ret jasaýǵa álim jetti. Sóıtsem kýrsanttardyń arasynda eń kóp jasaǵan men ekenmin», - deıdi Ermek Bekjanov.
Janat Jabyrbekovtyń aıtýynsha, Ermek Bekjanov Almaty oblysynyń Eńbekshi qazaq aýdanyna qarasty Qoran aýylynda dúnıege kelgen.
