Almatyda Qurmanǵazynyń qundy jádigerleri kórmege qoıyldy
ALMATY. QazAqparat - Almatylyqtar kórmege qoıylǵan dáýlesker kúıshi Qurmanǵazy Saǵyrbaıulynyń eki ǵasyrǵa jýyq tarıhy bar dombyrasymen tanysa alady, dep habaraıdy QazAqparat tilshisi.
Yqylas atyndaǵy halyq mýzykalyq aspaptar mýzeıinde úsh kúndik kórme ashyldy. Kóshpeli kórmege Reseıdiń Astrahan oblysy Altynjar aýylynda ornalasqan «Qurmanǵazy atyndaǵy mádenı ortalyq» qorynda saqtalǵan kúıshi dombyrasynyń kóshirmesi men Qurmanǵazynyń tól shákirti Erǵalı Esjanovtyń dombyrasy ákelingen.
Sonymen qatar, almatylyqtar Atyraý oblystyq tarıhı-ólketaný mýzeıi qoryndaǵy Qurmanǵazynyń dara aýyz myltyǵy men shákirti Dına Nurpeıisovanyń belbeýi, Batys Qazaqstan oblystyq tarıhı-ólketaný mýzeıiniń qoryndaǵy Dına apamyzdyń qamzoly, HІH ǵasyrdaǵy kóne zergerlik buıymdar qoıyldy.
Asa qundy jádigerler búgin saltanatty túrde Yqylas atyndaǵy mýzeıge tabystalmaq.
Mádenı shara qazaqtyń kúı óneriniń sheberi Qurmanǵazy Saǵyrbaıulynyń 200 jyldyǵyna oraı ótkizilip otyr.
«Qurmanǵazy - tek bizdiń ǵana rýhanı muramyz emes, búkil álemge tanylǵan tulǵa. Qurmanǵazy babamyzdyń 200 jyldyǵy ıÝNESKO sheńberinde atalyp ótýde. Osyǵan oraı Astrahandaǵy Qurmanǵazy atyndaǵy mádenı ortalyq pen Oral, Atyraý óńirlerinen tarıhı ólketaný mýzeıleriniń ujymyn shaqyryp otyrmyz. Bizdiń maqsatymyz osyndaı mádenı sharalar arqyly Qurmanǵazynyń 200 jyldyq mereıtoıynyń mazmunyn asha túsý. Bizdiń basty mindetimiz Qurmanǵazy shyǵarmashylyǵyn, dombyrasyn, shákirtteriniń murasyn, halyqqa qaldyrǵan kúı murasyn jıyntyqtaı otyra nasıhattaý, dáripteý, jańǵyrtý urpaq sanasynda saqtaýǵa barynsha úlesimizdi qosý bolyp tabylady», - dedi Yqylas atyndaǵy halyq mýzykalyq aspaptar mýzeıiniń dırektory, fılologııa ǵylymdarynyń kandıdaty Uljan Baıbosynova.
Aıta ketý kerek, atalǵan is-shara Almaty ákimdiginiń, qalalyq Mádenıet basqarmasynyń qoladýymen ótkizilip otyr.
