Almatyda Qurmanǵazy kóshesi ýaqytsha jabylady

ALMATY. QazAqparat- Almatyda Qurmanǵazy kóshesi ýaqytsha jabylady, dep habarlaıdy QazAqparat tilshisi.

7 shilde túski saǵat 12:00-den 8 shilde tańǵy saǵat 09: 00-ge deıin Qurmanǵazy kóshesiniń soltústik jaǵynda Dostyq dańǵylynan Zenkov kóshesine deıin - eki baǵytta qozǵalys jabyq bolady.

«Ýaqyt shekteýleri osy kóshe segmentiniń júris bóliginiń astynda ótetin magıstraldyq qubyrdy josparly aýystyrýmen baılanysty»,- dep habarlady «Almaty jylý júıesi» JShS.

Kompanııa qolaısyzdyq úshin almatylyqtardan keshirim suraıdy.

Sonymen qatar, júrgizýshilerge jol júrý baǵytyn aldyn ala josparlaýǵa keńes berdi.

Buǵan deıin, Rozybakıev kóshesiniń bir bóligi eki aıǵa jabylatyny týraly jazǵan bolatynbyz.