Almatyda Qurmanǵazy atyndaǵy Qazaq ulttyq konservatorııasynyń gala-kontserti ótedi

Kontsertti Elbasy Nursultan Nazarbaev tamashalaıdy dep kútilýde.

Kontserttiń búgingi baǵdarlamasynda bes roıaldiń oryndaýynda M.Tólebaevtyń «Birjan men «Sara» operasynan belgili bıdiń jańa oranjırovkasy, horeografııalyq elementtermen úrmeli orkestrdiń defılesi, jeti jetigen úshin N.Tilendıevtiń «Aqqý» kúıiniń oryndalýy, ánshiler, ishekti aspaptar ansambli men eki roıal úshin «Úsh qońyr» ániniń jańasha óńdelgen nusqasy jáne ózge de biregeı mýzykalyq nómirler bar.

Kontserttiń shyrqaý sheginde dombyrashylar men ánshiler aıtysyna uqsas orkestrlerdiń aıtysy ótedi. Sımfonııalyq jáne halyq orkestrleriniń arasyndaǵy tartys - bul sheberlik pen daryndyqty pash etý, klassıka álemi men halyq óneriniń jaqyndasýy jáne birtutastyǵy.

QR halyq ártisi, Qurmanǵazy atyndaǵy Qazaq ulttyq konservatorııasynyń rektory Jánııa Áýbákirovanyń aıtýynsha, JOO-nyń solısteri men stýdenttik ujymdary kóptegen beldi sahnalarda óner kórsetti, olardyń arasynda berlındik Kontserthaýs, londondyq Barbıkan-Holl, Italııadaǵy Academia San Felice festıvali, Nıý-Iorktegi Karnegı-Holl jáne ózge de basqalary bar.