Almatyda kúresten Azııa chempıonaty ótedi
NUR-SULTAN. QazAqparat - Birikken kúres álemi (UWW) kelesi jylǵy jarystardyń kúntizbesin jańartty. Oǵan sáıkes, kúresten 2021 jylǵy Azııa chempıonaty Almatyda ótedi, dep habarlaıdy QazAqparat tilshisi.
QR Ulttyq Olımpıada komıtetinen málim etkendeı, kúntizbege sáıkes Qurlyqtyq chempıonattar jyl basyna josparlanyp otyr.
Qurlyqtyq chempıonattar:
29-31 qańtar: Okeanııa birinshiligi Pago-Pago, Amerıka Samoasy
2-7 aqpan: Afrıka chempıonaty Marrakesh, Marokko
8-14 aqpan: Eýropa chempıonaty, Katovıtse, Polsha
16-21 aqpan: Azııa chempıonaty, Almaty, Qazaqstan
27-30 mamyr: Panamy chempıonaty, Rıo-de-Janeıro, Brazılııa
Olımpıadaǵa qurlyqtyq irikteý jarystary:
12-14 naýryz: Afrıka jáne Okeanııa Olımpıadalyq irikteý týrnıri, El-Djadıda, Marokko
18-21 naýryz: Eýropalyq Olımpıadalyq kvalıfıkator, Býdapesht, Majarstan
26-28 naýryz: Azııa Olımpıadalyq irikteý týrnıri, Sıan, Qytaı
Olımpıadaǵa dúnıejúzilik irikteý týrnıri:
29 sáýir -2 mamyr: Sofııa, Bolgarııa
Kadetter arasyndaǵy Álem chempıonaty Olımpıada oıyndaryna kedergi bolmas úshin shilde aıynyń sońyna aýystyryldy. Jasóspirimder arasyndaǵy 2022 jylǵy Olımpıada oıyndarynyń merzimi taǵy ózgergendikten, 2022 jyly kadetterdiń Qurlyqtyq chempıonaty maýsym aıynyń sońynda ótedi.
Eske salaıyq, UWW buǵan deıin bıylǵy qyrqúıek, qazan aılaryna belgilengen barlyq sharalar uıymdastyrylmaıtynyn málim etken bolatyn.
