Almatyda kúres túrlerinen Qazaqstan chempıonaty bastaldy
ALMATY. QazAqparat - Búgin Almaty qalasyndaǵy «Dostyq» sport kesheninde kúres túrlerinen Qazaqstan birinshiligi jalaýyn kóterdi, dep habarlaıdy QazAqparat tilshisi.
Balýandar bir apta boıy erkin, grek-rım jáne áıelder kúresinen baq synaıdy.
Erkin kúres sheberleri 20-22 qarasha kúnderi boz kilemge shyǵady. 20 qarashada 57, 61, 86 salmaqtaǵy balýandar chempıondardy anyqtaıdy. Al 21 qarashada 65, 70, 97 keli salmaqtaǵy balýandar beldesse, 22 qarashada 74, 79, 92, 125 keli salmaqtaǵylar sheberlik baıqasady.
Áıelder kúresinen 23 qarashada balýandar aldymen 50, 53, 55, 57, 59, 62, 65, 68, 72, 76 keli salmaqta irikteý kezeńinde baq synasa, odan keıin jartylaı fınalda jáne fınalda kezdesedi.
Grek-rım kúresiniń sheberleri 24-26 qarasha kúnderi bozkilemde básekege túsedi. Atap aıtqanda, olar 55, 60, 63, 67, 72, 77, 82, 87, 97, 130 keli salmaqta júldege talasady.
Qazsport telearnasy kúres túrlerinen Qazaqstan chempıonatynyń sońǵy eki jarys kúnin 25-26 qarasha kúnderi kórsetýdi josparlap otyr.
