Almatyda qurban shalýǵa ruqsat berilgen oryndar belgili boldy

ALMATY. QazAqparat – Megapolıste bıyl qurbandyq shalýǵa 13 oryn belgilendi. Bul týraly brıfıng barysynda Almaty qalasynyń bas ımamy Ospan Tólebı aıtty, dep habarlaıdy QazAqparat tilshisi.

Almatyda qurbandyq shalý rásimi oflaın jáne onlaın rejıminde ótedi.

«Almaty qalasynyń ákimdigi tarapynan oflaın formatta qurbandyq shalýǵa jáne mal satýǵa ruqsat etilgen qala aýmaǵynda arnaıy 13 oryn bekitildi»,- deıdi Almaty qalasynyń bas ımamy Ospan Tólebı.

Atap aıtar bolsaq, Alataý aýdany boıynsha – Myrzahmet meshiti, Ásker ata meshiti, Alǵabas meshiti, Ál-ázım meshiti;

- Bostandyq aýdany boıynsha – Baqytkeldi meshiti;

- Medeý aýdany boıynsha – Amanqul ata meshiti, Fatıma meshiti, Raıymbek batyr meshiti;

- Naýryzbaı batyr aýdany boıynsha – Qalqaman meshiti, Qaraǵaıly meshiti jáne Taýsamaly bazary;

- Túrkisib aýdany boıynsha – Qaırat meshiti;

- Jetisý aýdany boıynsha – Voınah meshiti.

Qurban Aıt - musylmandardyń eń mańyzdy merekeleriniń biri, ol Oraza aıaqtalǵannan keıin 70-kúni toılanady. Osy jyly Qurban aıt shildeniń 9-y kúni bastalyp, úsh kúnge jalǵasady.

Buǵan deıin Qurban aıtta Almatynyń ortalyq meshitinde spartakıada ótetini týraly jazǵan bolatynbyz.

Foto: islam.ru