Almatyda qýraı shóptiń órtený oqıǵalary kóbeıgen
ALMATY. QazAqparat -Almatyda qýraı shópterdiń órtenýi beleń alyp barady, dep habarlaıdy QazAqparat tilshisi.
Qalalyq TJD baspasóz qyzmetiniń habarlaýynsha, 14 naýryzda Túrksib aýdanynda Asylbekov kóshesiniń boıyndaǵy jarty gektarǵa jýyq qurǵaq shóp órtenip ketti.
«Órt sóndirýshiler órttiń ary jaıylýynyń aldyn aldy. Biz adamdardy órt qaýipsizdiginiń erejelerin ustanýdy suraımyz. Jekemenshik úılerdiń turǵyndaryn qurǵaq shóp pen órtenetin qoqystan tazalaýǵa shaqyramyz. ShOB nysandary basshylarynan adamdardyń qaýipsizdigin qamtamasyz etýdi talap etemiz»,- dedi departament ókili Arman Baıgelov.
Jyl basynan beri Almatyda 26 ret shóp órtený oqıǵasy tirkelgen.
Demalys kúnderi TJD ókilderi 12 myń turǵyn úıdi aralap, 13 myń jadnama taratqan.
