Almatyda qurama jem kombınatynyń qoımasy órtendi
ALMATY. QazAqparat - Almatyda Súıinbaı kóshesi boıyndaǵy «Altyn dıirmen» qurama jem kombınatynyń qoımasy otqa orandy, dep habarlady QazAqparat tilshisi oqıǵa ornynan.
Qoımanyń shatyry janyp ketkeni anyqtaldy, jalynnyń basqa qoıma oryndaryna taraý qaýpi bolǵan. Órt týraly habar 13:09-da tústi. 13:57-de órt sóndirilip, 14:23-te tilsiz jaý tolyqtaı aýyzdyqtaldy.
Jalyn 20 sharshy metr aýmaqty sharpydy.
Órtti sóndirýge jeke quramnan 50 adam, 11 negizgi tehnıka, 7 arnaıy tehnıka birligi jumyldyryldy. Qurbandar men zardap shekkender joq.
