Almatyda kýrer mopedpen sábı jatqan besikarbany qaǵyp, qashyp ketti

ALMATY. QazAqparat - Almatyda moped mingen kýrer kishkentaı bala jatqan besikarbany qaǵyp, oqıǵa ornynan qashyp ketti, dep habarlaıdy QazAqparat tilshisi.

Oqıǵanyń vıdeosy áleýmettik jelide tarady.

Almaty qalasy Polıtsııa departamentiniń málemetinshe, 16 naýryz kúni túski saǵat 13.20-da Moped júrgizýshisi Tóle bı kóshesimen shyǵys baǵytta kele jatyp, Brýsılovskıı kóshesinde ishinde úsh aılyq bala jatqan arbaǵa soǵylǵan.

«Saldarynan bala zardap shekken. Ol balalar aýrýhanasyna jetkizildi. Moped júrgizýshisi oqıǵa ornynan qashyp ketken. Búginde ony izdeýmen izdestirý bóliminiń qyzmetkeri aınalysyp jatyr. Jol-kólik oqıǵasy Almaly aýdandyq polıtsııa basqarmasynda tergelip jatyr», - dedi Almaty qalasy PD anyqtaý basqarmasynyń bastyǵy Oljas Sháripov.