Almatyda quny 6 mlrd teńge bolatyn jer ýchaskesi memleketke qaıtaryldy

ASTANA. QazAqparat - Almatyda áskerı prokýrorlar quny 6 mlrd teńgeden asatyn burynǵy áskerı gospıtaldyń jer ýchaskesin memleketke qaıtardy, dep habarlaıdy Bas áskerı prokýratýranyń baspasóz qyzmeti.

Áskerı prokýrorlar múlikti memleket paıdasyna qaıtarý jóninde sharalar qabyldaýda.

2014 jyly Almaty qalasynyń Medeý aýdanyndaǵy naryqtyq quny 6 mlrd teńgeden astam, jalpy aýdany 3,8484 ga jer ýchaskesi «Dostyq stroı» qurylys kompanııasy» JShS-niń menshigine ótken.

Alaıda, bul ýchaske 7 jyldan astam ýaqyt boıy maqsatyna saı paıdalanylmaǵanyn eskere otyryp, áskerı prokýratýra organdary ony májbúrlep alyp qoıý týraly talap aryzben júgingen.

24.11.2022 jyly Almaty qalasynyń mamandandyrylǵan aýdanaralyq ekonomıkalyq sotynyń sheshimimen áskerı prokýratýranyń talap-aryzy qanaǵattandyrylyp, zańdy kúshine engen.

Qazirgi ýaqytta sot aktisin oryndaý boıynsha jumystar júrgizilýde.