Almatyda quny $50 mln bolatyn AQSh pen Qazaqstannyń birikken jobasy iske qosylady
Bul týraly qala ákimi Baqytjan Saǵyntaev Twitter paraqshasyndaǵy jazbasynda aıtty.
«Valmont Industries kompanııasynyń jahandyq operatsııalar boıynsha vıtse-prezıdenti Robert Gıllenmen kezdesý kezinde Almatynyń Indýstrıaldy aımaǵynda quny $50 mln bolatyn ınvestıtsııalyq-óndiristik jobany júzege asyrý týraly kelistik», - dedi ákim.
Bul joba boıynsha Almaty arnaıy ekonomıkalyq aımaǵynda ırrıgatsııalyq júıelerdi shyǵaratyn zaýyt salynady.
«Indýstrıaldyq aımaqta sizderdiń zaýyttyń boı kóterýi Almaty qalasynyń ınvestıtsııalyq tartymdylyǵyn taǵy bir dáleldese kerek», - dedi Baqytjan Saǵyntaev.
Búginde Almaty arnaıy ındýstrıaldyq aımaǵynda 43 kompanııa jobalardy júzege asyrýǵa kiristi.
Onyń 9-yna sheteldik ınvestorlardyń qatysy bar. Jalpy quny 181 mlrd teńge ınvestıtsııa salynatyn boldy. 6,7 myńnan asa jumys orny ashylady.
Bıyl jalpy quny 24,1 mlrd teńge bolatyn 14 joba iske qosylady.
