Almatyda kúnine 500 adamdy qabyldaıtyn zamanaýı jańa emhana ashyldy
ALMATY. 1 sáýir. QazAqparat - Bul Almatydaǵy 29-shy emhana bolyp otyr. Qala ákimi Ahmetjan Esimov búgin №24 qalalyq emhananyń ashylý rásiminde osylaı aıtty.
«Kúnine 500 adam qabyldaıtyn bul emhana 37 myń turǵyny bar shaǵynaýdanǵa arnap salynǵan. Oǵan jergilikti jáne respýblıkalyq bıýdjetten 1 mlrd. 100 mln. teńgeden astam qarjy bólindi. Zaman talabyna saı qajetti barlyq jabdyqtarmen qamtamasyz etilgen. Ol qazirgi tańda shahardaǵy eń úlken emhanalardyń biri bolyp otyr», - dedi A.Esimov.
Qala basshysynyń aıtýynsha, munda 308 medıtsınalyq qyzmetker jumys jasaýda. Aýdan turǵyndary barlyq kásibı medıtsınalyq qyzmet túrlerin paıdalanatyn bolady.
