Almatyda kúnine 50 júrgizýshi eski aıyppulyn joıý týraly aryzben keledi - ІІD
ALMATY. QazAqparat - Almaty qalalyq ІІD-niń Ákimshilik polıtsııasy eski aıyppuldaryn joıý úshin kúnine 50 júrgizýshiden aryz túsetinin aıtty, dep habarlaıdy QazAqparat tilshisi.
Almaty qalasy Ákimshilik polıtsııa qyzmetiniń basshysy Jandos Muratálıev QR Ákimshilik quqyqbuzýshylyq týraly kodeksine (QR ÁKBK) engizilgen tolyqtyrýlardan keıin júrgizýshiler eski aıyppuldaryn joıý týraly ótinishpen shyǵa bastaǵanyn aıtty.
Onyń aıtýynsha, júrgizýshilerdiń mundaı aryzy 15 kún ishinde qaralyp, aıyppuly anyqtalady.
«Júrgizýshiniń bir jyldan asyp ketken ákimshilik quqyq buzǵany týraly materıaldary kúshin joıa alady. Mundaı bap QR ÁKBK-de buryn da bolǵan. Biraq, onda baqylaý kameralaryna túsken vıdeotirkeýdegi zańbuzýshylyqtar týraly taraý joq edi. 2018 jyldyń 9 qańtarynan bastap, bul taraý kodekse engizildi. ıAǵnı, endi beınebaqylaý kameralaryna túsken aıppuldar bir jyldan keıin kúshin joıa alady. Biraq, bul ózgeris 2018 jyldan bastalady. Degenmen, eger júrgizýshi bir jyl ótip ketken eski beınetirkeý materıaldaryn joıý týraly aryzben kelse, onyń máselesi tekserýge alynady. Tekseris kezinde, júrgizýshiniń zań buzǵany týraly mezgilinde aqparattanǵany, «Qazposhta» arqyly eskertý alǵan-almaǵany anyqtalady. Eger «Qazposhta» joldaǵan eskertý qaǵazyn júrgizýshiniń alǵany rastalsa, ondaı eski faktiler meıli, 2014, 2015 jyly tirkelgen bolsyn, kúshin joıa almaıdy», - dedi Muratálıev.
Bul ózgeris engizilgenimen almatylyq júrgizýshiler jappaı aryzdanyp jatpaǵan kórinedi. Almatynyń ákimshilik polıtsııasy aryzdanýshylardyń qarasy búgingi tańda asa kóp emes ekenin aıtty.
«Elbasy Jarlyǵymen Kodekske ózgerister 2017 jyldyń 28 qańtarynda engizildi. Zań 2018 jyldyń 9 qańtarynan bastap kúshine endi. Ákimshilik polıtsııaǵa osy aryzben qazir júrgizýshiler jappaı kele bastady dep aıta almaımyz. Shamamen, kúnine 50-70-teı aryz túsedi. Biz 15 kún ishinde olardy qarap, istiń mán-jaıyn anyqtaımyz», - dedi polıtsııa polkovnıgi Muratálıev.
Zańgerler osy tusta ákimshilik kodekstegi ózgeristerge qaramastan sot oryndaýshylary tarapynan keletin eski aıyppuldar týraly eskertýlerge qandaı jaýap berý qajettigin aıtty. Advokat Jan Kúnserkınniń aıtýynsha, eski aıppuldardy qaıta kótergen sot oryndaýshysynyń ondaı áreketin sotqa berýge bolady.
«Eger sot oryndaýshy bir jyldan keıin aıaqasty júrgizýshininiń eski aıyppulyn tóleýge májbúrlese, onyń bul áreketi zańsyz bolyp esepteledi. Mundaı jaǵdaıda júrgizýshi sot óndirisindegi materıaldy toqtatý týraly aryz berýi qajet. Eger sot oryndaýshy bul talapty oryndamasa, onda sotqa shaǵymdaný qajet», - dedi Jan Kúnserkın.
Aıta keteıik, kodekske engizilgen ózgerister qatarynda aıyppul tóleýdegi jeńildik máselesi de naqtylanǵan. Endi 7 kún ishinde aıyppuldy tólegen jaǵdaıda jasalatyn jeńildik júrgizýshige aıyppul salynǵan kúnnen bastap emes, oǵan aıyppul týraly eskertý berilgen kúnnen bastalady.
«QR ÁQBK 890-babyna sáıkes, júrgizýshi óziniń quqyq buzǵany týraly aqparattanǵan bolýy kerek. Bul bapta vıdeotirkeýge baılanysty aıyppul tóleýdegi jeńildik máselesi kórsetilgen. ıAǵnı, Siz 1 qańtarda beınetirkeýge ilinseńiz, biraq Sizge eskertý 31 qańtarda kelsa, 7 kún ishinde tólenýi kerek jeńildik Siz eskertý alǵan kúnnen bastalady. ıAǵnı, jeńildik Sizge eskertý berilgen kúnnen bastap esepteledi», - dedi Muratálıev.
