Almatyda qundyz ton urlaǵan áıeldiń bas bostandyǵy shekteldi
ALMATY. QazAqparat - Almatyda áıel bóten bireýdiń qundyz tonyn ruqsatsyz alyp ketkeni úshin bas bostandyǵy shekteldi, dep habarlaıdy QazAqparat tilshisi.
Qalalyq sottyń baspasóz qyzmeti habarlaǵandaı, oqıǵa Zorge kóshesinde ornalasqan «Mart Village» saýda úıiniń ekinshi qabatynda bolǵan.
Áıel oryndyq arqalyǵynda turǵan quny 160 000 teńge bolatyn qundyz tondy alyp taıyp turǵan.
Ton ıesi qaıtyp oralǵanda syrt kıimin tappaı qalǵan.
Keıin jábirlenýshi qalalyq ІІD-ge aryzdanǵan.
«Sot otyrysynda kúdikti kelinshek óz kinásin tolyǵymen moıyndady. Sýdıa ony QR QK-niń 188-baby boıynsha aıypty dep taýyp, 1 jyl 3 aıǵa erkindigin shekteý týraly úkim shyǵardy», - dedi qalalyq sottyń baspasóz qyzmetinen.
