Almatyda kún sýytyp, úsik júredi

ALMATY. QazAqparat – Erteń, 1 sáýirde Almatynyń taýly aımaqtarynda túnde úsik júredi, dep habarlaıdy QazAqparat tilshisi.

Sınoptıkterdiń boljaýynsha, Almaty taýlarynda qatty jaýyn-shashyn bolady. Jeldiń ekpini sekýndyna 17-22, keı jerlerde 30 metr jáne odan da kóp bolýy múmkin. 1 sáýirde túnde 1-6 gradýs sýyq bolady.

Osyǵan baılanysty qalalyq tótenshe jaǵdaılar departamenti ońtústik astana turǵyndary men qonaqtaryna taýly aımaqtarda serýendeýden bas tartý kerektigin eskertedi.

«Sonymen qatar, taýda júrgen týrısterden barlyq qaýipsizdik sharalaryn saqtaýdy suraımyz. Kómek qajet bolsa, myna telefondarǵa habarlasyńyz: 112, 109 nemese 8 (727) 372 15 60», - delingen Almaty qalasy Tótenshe jaǵdaılar departamentiniń baspasóz qyzmeti taratqan habarlamada.

Buǵan deıin sınoptıkter sáýir aıynda kúnniń jylynatynyn aıtqan edi.