Almatyda kún saıyn 16 myń jolaýshy metro qyzmetin paıdalanady - Ahmetjan Esimov
ALMATY. 10 tamyz. QazAqparat - Almaty metrosy 5 kún buryn 2 mıllıonynshy jolaýshysyn tasymaldady. Ony qala ákimi Ahmetjan Esimov búgin qurylysshylar kúnine arnalǵan saltanatty jıynda aıtty.
«Almaty metrosynda qazir 7 poıyz jumys jasaýda. 2013 jyly batys baǵytta taǵy 2 beket iske qosylǵan soń jolaýshylar tasymaldaý kólemi odan ary ulǵaıatyn bolady. Qazir kún saıyn onyń qyzmetin 16 myń adam paıdalanady», - dedi A.Esimov. Qala ákiminiń aıtýynsha, sońǵy jyldary 18 jol aıryǵy men 20 júrginshiler ótkeli salyndy. Bıyl 6 jol aıryǵy men 16 júrginshiler ótkeliniń qurylysy júrip jatyr. Al 2013 jyly 42 júrginshiler ótkelin salý baǵdarlamasy tolyq aıaqtalady dep josparlanýda.
Sondaı-aq Tóle bı kóshesin shyǵys aınalma jolyna deıin sozý jobasy jasaldy. Bul ortalyqtaǵy kólik júktemesin aıtarlyqtaı jeńildetpek.
